El Principáu da’l primer pasu na reforma l’Estatutu

La Portavoz del Conseyu de Gobiernu Ana Rosa Migoya dio anuncia ayeri en rueda de
prensa tres de la xunta ordinaria d'esti xueves del Conseyu de Gobiernu de la decisión alcordada d'encargar dictámenes sobre la reforma del Estatutu d'Autonomía y sobre tolos demás cambeos llegales que, d'agora en p'alantre van afectar modelu d'estáu. Ello supón el primer pasu efectivu nel camín d'una nueva reforma del estatutu, dempués de que nestes selmanes la clase política asturiana nun dexare de facer declaraciones al respective.

Ana Rosa Migoya esplicó que "El Conseyu de Gobiernu alcordó apautar un métodu de trabayu pal debate de reforma estatutaria y demás reformes y debates abiertos en cuantes a modelos de financiación y Estáu" Pa ello, el Conseyu de Gobiernu "alcordó encargar dictámenes a persones cualificaes dende'l puntu de vista científicu y
políticu sobre les materies d'esi debate xeneral que ta produciéndose nel conxuntu del Estáu y que nun ye sólo un debate de reforma estatutaria en cuantes que tamién va afectar a
materies como la financiación autonómico y otros". La conseyera nun dio nomes concretos de persones o equipos a los que se-yos vaya encargar los estudios pero describió'l perfil de los espertos como "persones de reconocíu prestixu profesional y d'ámbitu políticu plural pa buscar
el mayor consensu posible, respetando l'ámbitu d'actuación d'otres instituciones como'l propiu parlamentu asturianu"