El Principáu comprométese col FAPAS y la Fundación Osu

La Viceconseyera de Mediu Ambiente y Ordenación del Territoriu, Belén Fernández, y el Director xeneral de Recursos Naturales y Protección Ambiental, Cristino Ruano, tuvieron ayeri una xunta colos presidentes del FAPAS y la Fundación Osu pa falar sobre los avances na recueración de la población d'osu n'Asturies.

De la xunta salieron, ente otros compromisos, el desarrollu de convenios marcu de cooperación coles dos fundaciones, la intencion de facer convenios específicos y entamar actuaciones de meyora del hábitat de la especie.
De la xunta ente Principáu, FOP y FAPAS salió tamién que en xineru cuéntase con apautar la creación del Comité de Seguimientu del Osu n'Asturies y que pal mes qu'entra va aconceyar n'Uviéu el Grupu Nacional de Trabayu del Osu. Al dicir del presidente de la Fundación Osu Pardu (FOP), Guillermo Palomero, el censu de la especie presenta una "meyoría lenta" nel occidente asturianu