El Principáu al Xulgáu

Ayeri la Xunta pola Defensa de la
Llingua dio una rueda de prensa onde anunció que les más de
cuatrocientes denuncies presentaes pol incumplimientu de la Llei d'Usu no
referío a señalización toponímica que fai la propia
Alministración asturiana, van pasar en pocos díes a la vía
de contenciosu.
Ello ye que la Xunta presento un requerimientu llegal pa una
contestación rápida de la Conseyería d'Infraestructures
(que ye la que sigue señalizando incorrectamente les carreteres),
depués de meses de silenciu alministrativu. Si pasaos diez díes
de presentáu esti requerimientu sigue ensin haber contestación,
les denuncies van llevase pel camín de lo contencioso. Tal paez que los
responsables políticos asturianos van atopase con un problema seriu
d'equí a unos díes por nun cumplir les sos propies lleis.