El Prestige tamién ye un virus

El barcu más gochu de la historia tamién empuerca los ordenadores. Ello ye que la casa d'antivirus Panda Software emitió ayeri pela tarde una nota esplicando qu'un virus nuevu ta infestando los ordenadores de bien de xente que recibe un mensaxe col asuntu "fotos INEDITAS del PRESTIGE en el fondo del Atlantico". Casu d'abrir el ficheru .zip que vien alxuntu al corréu, tamos abriéndo-y la puerte a un virus que nun ye mui dañín pero que, pol titular que lu presenta, pue espardese masivamente en pocos díes.