El PP sacaría l'absoluta nes xenerales según el CIS

La última encuesta d'opinión del Centru d'Investigaciones Sociolóxiques da-y al PP 7,7 puntos de ventaya sobre'l PSOE nunes hipotétiques elecciones xenerales. Según el modelu de proyección de datos que gasta'l barómetru del CIS, los 3 puntos de diferiencia que se rexistren na entruga d'intención de votu tresformaríense en 7,7 puntos nel resultau final de la votación, lo que supón que, a 100 díes de les prósimes elecciones, el PP tendría'l 42,4% de los sufraxos, 6 puntos más de lo que-y daba l'anterior barómetru del CIS, del mes de xunetu. De caltenese la tendencia, esti reblagu na intención de votu al favor de los populares pondríalos nun tris de repetir la mayoría absoluta en marzu . El PSOE quedaría segundu col 34,7% de los votos y IU sedría la tercer fuerza política del estáu col 5,9% de los votos, baxando tamién respective al barómetru anterior del mes de xunetu al caer del 6,3% al 5,9% de los votos

En cuantes a valoración de los candidatos, el popular Antonio Rajoy saca meyor nota que'l candidatu socialista Rodríguez Zapatero, que tien tamién menos nota que l'actual presidente José maría Aznar. Ente los ministros del actual gobiernu, el ministru asturianu Rodrigo Rato ye, con diferiencia, el meyor valoráu polos encuestaos, que-y dan 4,7 puntos de nota, mientres que l'otru asturianu en gobiernu, Francisco Álvarez Cascos, con 3,5 puntos, ta nel pelotón de los que tienen nota más baxa, que pieslla'l ministru dagricultura Arias - Cañete.