El "Popemas" de "Nosoträsh"

Como ya vos comentábamos fai unes selmanes,
el grupu xixones
Nosoträsh taba grabando discu nuevu. Esa grabación, que
llevará'l nome de "Popemas" y que saldrá cola
discográfica Elefant Récords,
acabó esta selmana depués de 25 díes de trabayu con un
resultáu diferente al que nos tienen avezaos.

Un resultáu diferente pola filosofía del discu, qu'intenta espeyar la so propia situación personal, con
canciones de mayor sustancia nes que munches lletres son poemes d'elles mesmes
falando d'amor, de la vida cotidiana d'una forma cenciella y con sinceridá.Un
discu de 21 cantares con un pop más clásicu qu'elles consideren
como lo más personal y realista que tienen fechu.

Un trabayu del productor Ibon Errazquin, y que foi grabáu nos
estudios Mundo Sonoro de Xixón. Mención especial merecen estos
estudios que son los antiguos del productor Paco loco, reformaos agora pol so nuevu direutor Nacho Morán. El remocique fizo qu'estes
instalaciones tengan agora unos 260 metros cuadraos dividíos en tres
plantes, un llugar afayadizu pa qu'esta formación asturiana preparara la
so propuesta pa esti 2002.