El Plenu del Congresu aprueba la reforma del albuertu y la Llei Trans

Tamién da'l preste na xornada a la norma del emplegu y la de la llucha contra la corrupción.

El Plenu del Congresu aprobó güei la modificación de la Llei Orgánica de Salú Sexual y Reproductiva y de la Interrupción Voluntaria del Embaranzu; la Llei pa la Igualdá Real y Efeutiva de les Persones Trans y pa la Garantía de los Derechos de les Persones LGTBI; la Llei d'Emplegu; y la Llei Reguladora de la Proteición de las Persones qu'Informen sobre Infraiciones Normatives y de Llucha contra la Corrupción. La primera foi la que más alderique xeneró esti tiempu y salió alantre con 185 votos a favor y 154 en contra, ente ellos Foro y el PP, y 3 astenciones.

Les mayores novedaes son que torna'l derechu de les muyeres de 16 y 17 años a albortar ensin permisu paternu y la garantía de que se faiga na sanidá pública, nel centru sanitariu más cercano al domiciliu. Tamién elimina los trés díes de reflexón.