El Plan de Residuos 2017-2024 escarta la incineradora

El Gobiernu socialista renuncia finalmente a la construcción de la polémica incineradora nes instalaciones de Coxersa en Serín. Fernando Lastra sacó a información pública el Plan Estratéxicu de Residuos (Perpa) 2017-2024, que plantega una planta nueva de tratamiento como alternativa.

El conseyeru d’Infraestructures, Ordenación del Territoriu y Mediu Ambiente dio los detalles de dichu plan que tien como exes principales la planta nueva de tratamientu de residuos entemecíos, la producción de combustible sólidu a partir de residuos non peligrosos y la intensificación del programa de recoyida seleutiva. Sobre’l cambiu de posicionamientu de los socialistes, Lastra señaló que yera una decisión política bien analizada pol so partíu.

La inversión prevista pa completar toles actuaciones ye de 118,2 millones, de los que 102,8 son pa infraestructures nueves. Col Plan Estratéxicu de Residuos 2017-2024  persíguese un oxetivu doble: evitar que s’enllene’l vertideru de Coxersa en Serín, al que lleguen 520.000 tonelaes de basura cada año y tien capacidá hasta’l 2020, y axustase a la normativa estatal y europea en materia de tratamientu de residuos.

Una vez vegada fine’l periodu d’información pública y consultas del Perpa, tomaránse en consideración les alegaciones que se presentaren y modificaráse, de ser preciso, l’estudio ambiental estratéxicu. Tres la ellaboración propuesta final del plan, nuna fase posterior, deberá formulase la declaración ambiental estratéxica y, finalmente, el documentu será aprobáu pol Conseyu de Gobiernu.