El plan de reducción de cargues alministratives va permitir a les empreses aforrar 96 millones

Les empreses asturianes van poder aforrar 96 millones d’euros nel 2012 gracies al Proyeutu de Reducción de Cargues Alministratives. Ésti inclúi 150 midides consensuaes pol Gobiernu y pola Federación Asturiana d’Empresarios (FADE).
 
La conseyera de Alministraciones Públiques y vocera del Gobiernu, Ana Rosa Migoya y el presidente de la FADE, Severino García Vigón, que tuvieron acompañados pol direutor xeneral de Procesos Alministrativos del Gobiernu estatal, Agustín Torres, foron los encargaos de presentar esti plan esta mañana. En pallabres de Migoya, pa llograr esi aforru tan importante a les compañíes asturianes “ellaboráronse 152 midíes que persiguen tres oxetivos fundamentales: una supresión de dalgunes de les cargues alministratives; la reducción de costes pol usu de l’Alministración electrónica y, en tercer llugar, la reducción de costes d’oportunidá”. Amás, la conseyera recordó que l’Executivu incrementó nun 5 por cientu’l planteamientu de la Xunión Europea de reducir nel 2012 un 25 por cientu les cargas alministratives, colo que’l compromisu de los gobiernos estatal y nacional pasa por reducir eses cargues nun 30 por cientu.
 
Torres, pela so parte, eloxó’l trabayu del Gobiernu no que respeuta al usu de l’alministración electrónica, mentes que Vigón recordado que’l fin últimu de toes estes midides pasa por meyorar la competitividá de les empresas nestos momentos de duldes y de cambios llexislativos que tanto preocupen a les compañíes. Tamién indicó que n’Asturies hai tiempu que se trabaya col fin de reducir los trámites alministrativos y se felicitó por esti proyeutu nel que se recueyen los pasos nos qu’hai qu’avanzar de manera imprescindible.