El pesu del carbón

Según los datos del informe de producción eléctrico del 2.002 que ta acabante de volcar a la internet Rede Eléctrica Española, Asturies volvió nel añu 2.002 a ser ún de los primeros productores de corriente eláctrico del estáu y quedó como tercer comunidá esportadora d'electricidá, colocando pa la otra parte del Payares hasta'l 49% de los kwh que se produxeron, que foron casi un récord históricu de producción qu'entovía pudo ser más grande de nun ser porque los grupos térmicos d'Aboño tuvieron que facer paraes técniques pa revisiones. Lada dobló producción hasta ponese en 3.086 gwh contra los 1.890 del añu 2.001, y Soto de Ribera pasó de 3.610 a 4.836, mientres que Cangas del Narcea púnxose en 3.748 gwh por 3.382 del añu 2.001

Y ye que'l pesu de la térmica a carbón desequilibra dafechu'l conxuntu de la producción eléctrica asturiana, que nesti 2.002 vertió a la rede 18.490 gwh d'orixe en térmiques a carbón contra 1.200 de saltos d'agua y nada procedente d'otres fontes. Esti desequilibriu estructural afecta tamién a los númberos absolutos: Asturies, con ser el 5º productor español de corriente, ye la comunidá autónoma de tol estáu onde más pesa'l carbón pa producilo, y en consecuencia somos la primer xeneradora de corriente con aniciu nel carbón del conxuntu español.