El personal de l'Alministración va poder trabayar dende casa dos díes a la selmana

|
Conseyu de Gobiernu 3 de febreru del 2023

El Conseyu de Gobiernu aprobó'l decretu que regula la modalidá del llabor a distancia, a la que se podrán acoyer unes 4.500 persones.

La norma permitirá teletrabayar tanto a funcionarios como a llaborales hasta dos días a la selmana, mientres que los otros trés habrán de facelo de mou presencial. Tendrá calter voluntariu y reversible, con un modelu rotatoriu pa que los emplegaos públicos d'un serviciu pueda acoyese de manera socesiva a esta modalidá y garantizar la presencia física nes dependencies alministratives, en función de les necesidaes.

El llargor de la autorización será de seis meses, prorrogables hasta un máximu d'un año. Cuando fine'l plazu será necesario formular una solicitú nueva.

El testu, pautáu por mayoría colos sindicatos que componen la Mesa Xeneral de Negociación, fai referencia tanto al ámbitu d'aplicación como a los requisitos d'accesu, a los tipos de puestos susceptibles d'acoyese a esta modalidá poles funciones que faen, asina como al su control y siguimientu. La norma nueva busca dar un serviciu eficiente per aciu del usu de teunoloxíes que permiten reducir el tiempo emplegáu en desplazamientos, col correspondiente aforru enerxéticu; favorecer la sostenibilidá ambiental; y facilitar la conciliación de la vida llaboral, personal y familiar.

La Direición Xeneral de Función Pública calcula que podrán acoyese al teletrabayu unos 4.500 emplegaos públicos, incluyíos aquellos docentes que nun dan servicios en centros educativos venceyaos al calendariu escolar y los trabayadores d'organismos públicos como'l Serviciu d'Emerxencias (SEPA) y la Orquesta Sinfónica (OSPA), ente otros. Igualmente, podrá solicitalo'l personal de los servicios centrales del Serviciu de Salú (SESPA).

Contador Estadistiques