El Pentágonu avisó del riesgu del calentamientu del planeta

The Observer, el selmanal del periódicu Inglés The Guardian, ún de los de mayor tirada nel reinu xuníu xunta'l Times, asoleyaba esti fin de selmana un especial afirmando que'l Pentágonu esmució un informe d'ellaboración propio sobre'l cambéu climáticu nel que se reconoz que'l calecimientu global pue llevar a una catástrofe planetaria, lo que fadría del cambéu climáticu una amenaza más grave que la del terrorismu. L'informe fala de cambeos climáticos enforma graves que podríen llevar al planeta a una crisis internacional y a guerres pola falta d'alimentos agua y fontes d'enerxía. L'informe, según diz l'especial del Guardian, pon les coses no peor, y afirma que tan ceo como nel 2.007, parte d'Holanda podría quedar somorguiada, Amsterdam incluyía, estendiéndose la xuba de les agües a bien de ciudaes europees nel horizonte del 2.020. L'artículu del Observer recueye reacciones al asuntu dende Greenpeace a los asesores mediuambientales del Bancu Mundial, qu'alvierten de que Bush nun va poder siguir siempre aneciando en que'l cambéu climáticu ye un inventu.