El PCA critica'l Premiu Príncipe al Muséu del Holocaustu porque sofita la política "xenocida" d'Israel

El Comité Central del Partíu Comunista d'Asturies (PCA) aprobó ayeri una resolución na que critica la concesión del Premiu Príncipe d'Asturies de la Concordia al Muséu de la Memoria del Holocaustu de Xerusalén, porque considera que supón un "respaldu moral indirectu" a los impulsores de "polítiques xenocides escontra'l pueblu palestín".

Los responsables del PCA consideraron "inoportuna" la concesión del premiu Príncipe d'Asturies al Muséu (ignorando) que se trata d'una institución vinculada a Israel, que "lleva llargos años cometiendo escontra'l pueblu palestín abominables crímes". El PCA mostróse contrariu ante movimientos como l'antisemitismu y el sionismu y consideró qu'España y la Unión Europea deberíen adoptar midíes económiques y polítiques tendentes a presionar a Israel pa que cumpla la llegalidá internacional y "abandone la so política mlitarista y de sometimientu al pueblu palestín".

En tou casu, espresaron la so "rotunda condena" a los horrores que'l nazismu desencadenó n'Europa colos "xenocidios" escontra la población xudía, la población xitana, el pueblu rusu y otres comunidaes del centru y del Este d'Europa. Señalaron que'l reciente avance de la opción ultraderechista en Suiza y el renacimientu de la "Guardia de Fierru" son datos "preocupantes" qu'evidencien hasta qué puntu continúa vivu el "peligru facista" nel mundiu.