El Pautu Antitransfuguismu declara tránsfuga a Leal

La Comisión de Siguimientu decidiólo por unanimidá na xunta celebrada nel Ministeriu de Política Territorial y Función Pública.

El diputáu de Foro, Pedro Leal, espulsáu del partíu llueu de les "sos faltes de respetu y el boicó permanente a la direición de Foro", foi declaráu tránsfuga pola Comisión de Siguimientu del Pautu pola Estabilidá Institucional y Llucha contra'l Transfuguismu Políticu, enantes Pautu Antitransfuguismu. Los partíos con representación parllamentaria firmantes, esto ye, PSOE, Izquierda Xunida (IX), Esquerra Republicana de Catalunya (ERC), EAJ-PNV, BNG, Partido Aragonés (PAR), Unión del Pueblo Navarro (UPN), Podemos, Ciudadanos, PSC, Partido Regionalista de Cantabria (PRC), Galicia en Común, Catalunya en Comú, Agrupación Socialista de la Gomera y la formación asturiana, valoraron l'informe presentáu pol representante de Foro, Jaime Fernández-Paíno, al respeuto de la situación de la Xunta Xeneral, onde'l sigue ocapando l'escañu.

L'aconceyamientu celebróse esta mañana nel llar ministerial de forma semipresencia. Fernández-Paíno desplazóse a Madrid pa presentar los documentos de los trés casos analizaos.