El patrimoniu asturianu, protagonista n’Asturies.com Radio

La biografía de Joaquín Manzanares ye ún de los reportaxes destacaos n'actualización d'esta selmana d'Asturies.com Radio. La emisión de radio on-line d'Asturies.com presenta dientro de la so serie de reportaxes sobre la historia, cultura y naturaleza asturianes "Conoz Asturies" los fechos más destacaos na vida de Joaquín Manzanares, personaxe clave na recuperación del patrimoniu arqueolóxicu y etnográficu d'Asturies nel sieglu XX y responsable de la recuperación de la Ilesia de Santa María de Bendones. En contrapuntu cola trayectoria del creador del Tabularium Artis Asturiensis, Asturies.com Radio dedíca-y otru de los reportaxes de la selmana a falar del castru de Cellagú, ún de los castros más interesantes que puen atopase na redolada d'Uviéu y tamién ún de los casos más sangrinos d'ataque a les señes del nuestru pasáu.

Pa sentir Asturies.com Radio y ver la emisión d'Asturies.com TV ye preciso tener el programa Real Audio, que pue descargase de baldre.