El PAS entra nuna coalición pa les europees

El Partíu Asturianista (PAS) va presentase a les próximes elecciones europees del 13 de xunetu en coalición con otres formaciones rexonalistes del estáu. El PAS va enxertase asina nuna candidatura xunta Coalición Canaria, Partido Andalucista, Partido Aragonés (PAR) y Unió Valenciana.

El nome de la xuntanza de partíos cola que van presentase a les elecciones los asturianistes va ser el de "Coalición Europea".

La decisión del partíu de Xuan Xosé Sánchez Vicente d'amestase a la coalición obedez a la esperiencia positiva que tuvieron pa colos sos territorios los cuatro integrantes de la "Coalición Europea" que tienen anguaño representación nel Parlamentu Européu.

L'oxetivu del alcuerdu electoral, según el PAS ye'l de defender los intereses de los asturianos n'Europa nun momentu en que la renovación de los alcuerdos presupuestarios y la entrada de países nuevos del Este a la Xunión abren un momentu que ye, al mesmu tiempu "d'espectativa y incertidume".

Ente los oxetivos del PAS ta la defensa, al traviés de Coalición Europea, de la continuación de los fondos estructurales p'Asturies, xunta polítiues favorables a los nuestros intereses en materia d'asentamientos industriales y incentivos al comerciu turismu, agricultura y pesca y incentivos fiscales a autónomos.