El paru xubió n'Asturies en marzu

Nun mes de marzu en que la llista del paru menguó n'España en 8.118 persones, Asturies llevó-y la contraria a la corriente xeneral y amestó 267 persones más a la so llista particular. Con estos númberos, la tasa de paru n'Asturies pasa del 13% hasta mangase nel 13,28% contra'l 9,18% de media estatal y el númberu total de demandantes d'emplegu llega a les 58.619 persones. La interanual con marzu del 2003 tamién pinta mal, con 2.323 paraos más agora que va un añu (+4,13). Los datos d'Asturies, con too y con ello, son más discretos que los d'otres comunidaes que tamién tuvieron xuba del paru, destacando Canaries (+3,60%) Castiella-La Mancha (+1,34%) La Rioja (+2,07%) y Estremadura (+3,29%)

Ver toles estadístiques na web del INEM