El paru baxó en 6.447 persones nel añu 2017

Asturies finó’l 2017 con 76.547 paraos, 6.447 menos de colos que terminó l’añu anterior. El descensu ye práuticamente idénticu a la media estatal, pero’l país encabeza la llista d'onde menos medró l’afiliación: un 1,77 por cientu por un 3,42 a nivel del Estáu.

La mengua del desemplegu n’Asturies foi del 7,77 por cientu, por un 7,84 por cientu de media estatal, situándose como la sesta comunidá autonóma na que menos descendió’l paru, clasificación na que Ceuta (4,91), Illes Balears (5,29) y Canarias (5,73) presenten los peores númberos. Na parte contraria atopamos a Melilla (14,94), Cantabria (12,52) y Aragón (11,54).

Si comparamos los datos col mes anterior, el paru descendió n’Asturies en 1.377 persones, lo que supón un 1,77 por cientu, cifra idéntica a la media estatal. Melilla (8,55), Andalucía (3,10) y Ceuta (3,09) lideren el descensu, mentes que Navarra y La Rioja son los únicos territorios onde medra’l desemplegu, un 1,45 y un 1,34 por cientu, de manera respeutiva.

La nota negativa ye la baxa afiliación a la Seguridá Social, de namái 6.286 persones nel 2017  hasta llegar a los 360.701 cotizantes, lo que supón un medra del 1,77 por cientu. Esti porcentaxe ye’l más baxu de tol Estáu, tando la media nun 3,42 por cientu.