El paru aseló en payares

L'INEM ta acabante d'asoleyar los datos del paru n'Asturies nel mes de payares. Según la estadística oficial, Asturies tien 100 paraos más que n'ochobre (+0,19%) nun mes en que'l desemplegu xubió nel estáu una media del 2,05%.

Payares foi un mes catastróficu nes estadístiques del paru del estáu. España acabó'l mes con 33.750 persones más apuntaes nes llistes de dmandantes d'emplegu (+2,05%). Sicasí, esta tendencia de xuba del paru aseló n'Asturies nesti mes y asina la nuestra comunidá autónoma peslló payares con namás 100 demandantes d'emplegu más que n'ochobre, una xuba del 0,19% que dexa la llista del paru INEM n'asturies en 54.000 persones. La interañal respective al 2003 sal negativa, y asina hai 79 paraos menos n'Asturies que nel mesmu mes del añu pasáu

Ver datos na web del INEM