El parlamentu refugó'l Plan Ibarretxe

El Gobiernuvascu tien esta tarde una xunta d'urxencia dempués de que'l Congresu de los Diputaos refugare ayeri la discusión del "Plan Ibarretxe" proyectu que propón un nuevu estatutu d'autonomía pa la comunidá autónoma vasca baxo la fórmula de "llibre asociación al estáu español"

La sesión d'ayeri del congresu de los diputaos foi una de les que tuvo más repercusión mediática na historia de la democracia española. El Lehendakari vascu Juan José Ibarretxe defendía en solitario la so propuesta d'estatutu d'autonomía vascu que defende un réxime de llibre asociación de la CAV al estáu español, y proponía al Parlamentu que la sometiere a estudiu. 313 votos en contra, que correspondíen colos diputaos del PSOE, PP, IU, CHA y Coalición Canaria torgaron tala posibilidá, mientres qu'a favor del plan marcáronse los 29 escaños de CiU, ERC, BNG, PNV, Eusko Alkartasuna y Nafarroa Bai. Dos diputaos d'Iniciativa-Verts foron les úniques abstenciones na votación d'un debate polarizáu enforma.

Nes sos intervenciones, el Lehendakari Ibarretxe defendió'l proyectu d'estatutu sorrayando que torgalu significaba facer más grave'l problema vascu en cuenta d'acabar con elli. Pela so parte, el Presidente Zapatero buscó un desmarque de la posición más encerriscada del PP en contra de la propuesta vasca, ufiertando diálogu a cambiu de la retirada del proyectu, posibilidá que refugó Ibarretxe encontándose na llegalidá del testu que se presentaba. El presidente vascu ufiertó como última alternativa la creación d'una comisión mesta sobre l'estatutu ente los dos parlamentos español y vascu y dio a entender que podría declarar un referéndum n'Euskadi pa someter el plan al preste de la ciudadanía vasca. El siguiente movimientu de ficha na cuestión del Plan Ibarretxe pue dase esta mesma tarde na xunta d'urxencia que va facese nel Gobiernu Vascu

Materiales adicionales y enllaces:
Web del proyectu d'estatutu del gobiernu Vascu
Intervención d'Ibarretxe en vídeu

Resume de prensa:
El País: Ibarretxe afirma que seguirá adelante con su plan pese al rechazo del Congreso. (Solo abonaos)
El Mundo: Ibarretxe amenaza con convocar el referéndum tras el 'no' a su Plan.
ABC: Zapatero abre una puerta a Ibarretxe que Rajoy tilda de "afán arcangélico".

La Razón: La soberanía nacional rechaza el plan.

La Vanguardia: El Congreso rechaza el plan Ibarretxe pero Zapatero se abre a un nuevo pacto de Estado
El Periódico: Frenada a Ibarretxe.

Diario Vasco: El Congreso rechaza el plan Ibarretxe pero abre la puerta a un nuevo acuerdo
Deia: Ibarretxe responde a Zapatero que si da "portazo" al Plan trasladará la palabra al pueblo.
Gara: El Congreso español se arroga la capacidad de decidir por los vascos
Berria: Ukazioaren aurrean, herriari hitza emango diola agindu du Ibarretxek.