El parlamentu asturianu abre les sos puertes

La organización política que forma parte del Gobiernu asturianu espunxo les sos condiciones énte'l procesu de reforma del Estatutu d'Autonomía.

Como yá ye tradicional en tiempu de vacaciones los visitantes puen entrar nel Parlamentu asturianu y visitar distintes dependencies como'l salón de plenos históricu, la cámara onde se desarrollen les sesiones parllamentaries y los despachos y salones más importantes del placiu de la uvieina Cai Fruela.

Construyíu nel añu 1910 pol arquitectu Nicolás García Rivero (1853-1913) sobre lo que foi l'antiguu conventu de San Francisco, la Xunta Xeneral creóse de mano como sede de la Diputación Provincial, organismu yá desapaecíu. García Rivero, que tuvo'l cargu d'arquitectu provincial, dexó tamién otres obres d'importancia per Asturies, casu de dellos panteones en cementeriu d'El Salvador d'Uviéu, ente los que rescampla'l de la familia Masaveu, la casa-conceyu d'Ayer y les ilesies de Lluanco, la de Santiago en Sama y la de San Xosé en Xixón, amás de residencies particulares como la villa "Santa Julita" en Grau, onde se movió nun estilu más historicista con influyencies medievales.

Na so obra póstuma l'arquitectu desarrolló una edificación eclecticista estrada de resabios d'arquitectura francesa. La espectacular fachada, la cubierta prieta de pizarra y la escalera doble estilu imperio que recibe al visitante según entra, son les señes d'identidá d'un edificiu que, anque remocicáu delles vegaes nos años 1921, 1947, 1966 y tamién nos años 90, cuando se creó l'hemiciclu actual, caltuvo siempre la so traza orixinal. Una de les últimes actuaciones sobre l'edificiu consistió precisamente na restauración del "Salón Argüelles" nel que s'alcontraron pintures orixinales de cuando se fexo l'edificiu, nel que tampoco nun ha escaecese una mirada atenta a los armarios y carpinteríes, con muebles de maderes nobles como la caoba y con entramaos de marquetería mui del gustu d'aquel tiempu y que puen vese n'otros palacios burgueses como'l de los Selgas en Cuideiru.

Les xornaes de puertes abiertes organícense nel palaciu dos veces al añu, n'agostu y n'avientu. Nel añu 2004, más de 10.000 persones visitaron la Xunta Xeneral.