El númberu d'hospitalizaos con COVID-19 xube a 431

|
HUCA illumináu

Detectáronse 2.429 contaxos esti llunes.

Les hospitalizaciones siguen xubiendo n'Asturies nesta quinta fola provocada pola variante ómicron del coronavirus SARS-CoV-2. Na actualización última la ocupación en planta por COVID-19 asítiase nel 12,32 por cientu y na UCI, nel 19,14.

El domingu zarróse con 427 ingresaos, cuando'l xueves había 376. Agora la cifra aumenta a 431, de los que 373 tán en planta, 6 más, y 58 n'UCI, 2 menos.

Na xornada finaron cuatro persones, trés muyeres de 88, 77 y 69 años y un home de 71. Dende qu'entamó l'andanciu perdieron la vida con esta enfermedá 2.203 ciudadanos.

No que respeuta a los contaxos, detectáronse 2.429, superando los 2.219 del domingu, anque un cifra menor que la del sábadu, cuando se comunicaron 2.609. Ye una cantidá dalgo mayor que la media diaria de la selmana pasada, que s'asitió en 2.355.

Na semeya, l'HUCA illumináu colos colores del arcu la vieya nel so sétimu aniversariu, el xunu pasáu, en reconocimientu al esfuerzu de los sos profesional y n'agradecimientu a la ciudadanía.

Contador Estadistiques