El númberu de positivos por coronavirus nel país algama la cifra de 189

Un total de 157 afeutaos tán aisllaos nos sos llares, mentes qu'hai 3 estables na UCI.

L'actualización última de datos pola COVID-19 dada pol Gobiernu asitia'l númberu de positivos n'Asturies en 189, lo que supón un aumentu de 47 casos nun día. D'ellos namái ún tuvo como resultáu la muerte del paciente, el miércoles.

L'Hospital Universitariu Central d'Asturies (HUCA) tien ingresaos a 32 d'esos afeutaos, 29 aisllaos en planta de los que 16 presenten síntomes leves y 13 un cuadru de neumonía con pronósticu reserváu. Na UCI hai 3 pacientes estables, mentes que 157 pasen el coronavirus nos sos llares.

Na semeya, Rafael Cofiño, direutor xeneral de Salá Pública, y Concepción Saavedra, direutora xerente del SESPA, na rueda de prensa telemática dada esta mañana pa informar sobre la situación de la pandemia de COVID-19 causada pol coronavirus SARS-CoV-2.