El númberu de contaxos baxa a 295 esti llunes

|

La tasa de positividá queda en 6,7 por cientu.

La Conseyería de Salú anunció 295 positivos na xornada. Son 175 menos que'l domingu tres una selmana na que se vieno rexistrando una media 408 contaxos diarios.

Tamién baxó la tasa de positividá nes 24 hores últimes, pasando d'un 9,96 por cientu a un 6,7 tres la realización de 4.361 pruebes PCR. La cifra, sicasí, sigue siendo superior al 5 por cientu que marca la Organización Mundial de la Salú (OMS) como tope pa tener controlada la pandemia.

Na xornada hai que llamentar 19 finaos: doce homes de 94, 94, 91, 89, 87, 83, 82, 80, 74, 71, 67 y 63 años y siete muyeres de 94, 93, 88, 83, 81, 79 y 64. Na serie incorpórense amás otres dos muertes anteriores non contabilizaes, polo que'l total de perdes en tol andanciu algama yá la cifra de 604.

En planta hai ingresaos con confirmación o sospecha de COVID-19 795 pacientes, ún menos que'l domingu. Na UCI siguen hospitalizaes 129 persones.

Contador Estadistiques