El nuevu Xixón Sound nun reportaxe

El programa "La Mandragora" de televisión
española emite mañana un reportaxe sobre la música
independiente en Xixón.



"La Mandragora" ye un programa de "La Dos" del canal
estatal, nél va años que traten sobre corrientes de vanguardia
nel cine, teatru, cine y por supuestu música. Precisamente mañana
17 de xunu'l programa dedica la so emisión a falar sobre una
música y unos músicos que son asturianos y que tan garrando
abondo reconocimientu nel so ámbitu musical.



El reportaxe céntrase nuna xeneración de músicos
que podría dicise que son la segunda fornada d'aquello que vino a
llamase "Xixón Sound", que tenía como grupos
cabezaleros a "Australian Blonde", "Undershakers",
"Dr Explosion" y "Nösothräs". Ente
esto grupos de la nueva fornada podemos contar a "Manta Ray", Nacho Vegas o
"Mus", que van ser
entrevistaos nel programa pa que dean la so visión sobre'l porque y el
como d'esti relativu ésitu dientro de la escena independiente. El
programa tamién va echar una güeyada a los llugares
emblemáticos onde se desenvuelve la movida indi de Xixón, pa que
non solo seyan les persones, si non tamién el sitiu, lo qu'aporte la so
visión sobre esti movimientu.



La emisión del programa ye mañana 17 de xunu a les 00:30
de la nueche na segunda cadena de televisión española.