El nomamientu del Papa nun interesa a los llectores d’Asturies.com

|

En ‘Conceyu Abiertu’ plantegamos a los nuesos usuarios si-yos prestaba que’l Papa Xicu I fora llatinoamericanu. Un 65 por cientu de los nuesos llectores señaló que nun-y interesaba lo que se fixera na Ciudá del Vaticanu.

Mentes, un 30 por cientu sí valoró de manera positiva que, per primer vegada na historia y tres 265 pontífices, el Papa nuevu fora una persona nacida en Llatinoamerica, por un 6 por cientu que prefería que tuviera ascendencia europea. Jorge Mario Bergoglio, natural de Buenos Aires, sustituyó a Benedictu XVI tres la renuncia del alemán por motivos de salú, según señaló’l propiu pontífice’l 28 de febreru.

Dende esti momentu, los nuesos usuarios yá pueden votar nun ‘Conceyu Abiertu’ nuevu. Nesta ocasión queremos conocer qué opinen sobre les novedaes qu’entama la Conseyería d’Educación, Cultura y Deporte na XXXIV Selmana de les Lletres y si ven nella’l cambiu de formatu qu’Ana González anunció nel mes de xunetu. Nun ‘Conceyu Abiertu’ puestu en marcha neses feches, el 67 por cientu vía necesariu camudalu pa da-y un puxu mayor a esta celebración.

 

Contador Estadistiques