El movimientu 15-M sal a la cai esti xueves n’Uviéu pa protestar contra l’actitú de los dirixentes sindicales

Esti xueves va tener llugar un pasucais n’Uviéu, convocáu pol movimientu 15-M n’Asturies, pa esixir a los sindicatos mayoritarios que cumplan la so función. D'igual forma, reclamen la convocatoria d'una fuelga xeneral.

Baxo’l lema ‘Sí son mercancía en manes de políticos y banqueros’, los indignaos van aconceyase a les 19 hores frente a la sede de la Unión Xeneral de Trabayadores (UXT), na plaza Xeneral Ordoñez númberu 1, pa llueu entamar una marcha con parada nes oficiones de Comisiones Obreres (CC OO) y final frente al edificio de la Federación Asturiana de Empresarios (FADE). Nuna nota, los convocantes xustifiquen esti actu de protesta pa reclamar a los sindicatos que dexen de facer pactos y d'aceptar recortes nos derechos de los trabayadores que tanto costó conquistar, por cuenta de la negociación de la reforma llaboral, de manera fundamental.

D’igual forma, reclamen-yos que cumplan la so función de representación de los trabayadores y que faigan un llamáu a la fuelga xeneral.