El Monte Deva acueye esti domingu delles actividaes pol Día Forestal Mundial

El llunes 21 de marzu celébrase’l Día Forestal Mundial, fecha que busca concienciar sobre la importancia de les viesques pa l’equilibriu del planeta. El Monte Deva, en Xixón, va vivir esti domingu delles actividaes pa festexar la xornada.
 
Ésta va entamar a les 10.30 hores nel Centru d’Interpretación del Parque del Monte Deva con actividaes pa neños y neñes, como un taller d’identificación d’árboles. Una hora más tarde va proyeutase’l documental ‘Los harapos del bosque’ y, a les 13 hores, va celebrase l’actu institucional nel que la conceyala de Mediu Ambiente, Dulce Gallego, acompañada por Joaquín Arce, direutor xeneral de Política Forestal, va realizar una plantación d’árboles na que tamién van participar delles asociaciones vecinales de la zona y coleutivos que faen actividaes nel Monte Deva.
 
Tres esta plantación d’árboles, tolos asistentes van poder participar nuna visita guiada pola zona pa conocer exemplares autóctonos de la zona. Mentes, yá de tarde, ta prevista la proyeición de los documentales ‘El país de las sombras’ y ‘Bosques d’agua’ (16 hores) y una charra de José María Díaz-Formentí entitulada ‘Por las selvas amazónicas. Viajes naturalistas por la Amazonía’ (17.30 hores).
 
Hai que destacar que’l 2011 foi decretáu pola Organización de Naciones Xuníescomo l’Añu Internacional de les Viesques.