El mirandés yá tien prensa

Dende Portugal lléganos noticia de que'l selmanariu "Nordeste" que se vende en tol distritu de Bragança, va dedícar d'agora en p'alantre una sección en tolos sos númberos a dar informaciones en mirandés, la llingua hermana del asturianu que ye oficial na República dende va yá tres años. Según anuncia'l periódicu portugués "Público" d'alcuerdu colos responsables del proyectu la iniciativa quier divulgar l'idioma y afalar a los mirandeses a escribir na llingua propia, qu'hasta agora namás que-yos llegaba que pela vía oral y non pela escrita.