El miel de la China amenaza los caxellos asturianos

El sindicatu agrícola COAG denuncia que la Unión Europea ta acabante de llevantar el vetu que dende xineru del 2002 restrinxía la entrada del miel de la China nel territoriu UE y que se punxo por presentar delles partíes de miel chino resclavos d'antibióticos

El llevantamientu del vetu sobre'l miel del oriente va ser efectivu dende setiembre, y según COAG va suponer una cayida de 0,7 euros por kilu del preciu n'orixe del miel. De cualquier manera, COAG reconoz qu'Asturies va quedar un poco más a salvu de la baxada de precios en cuantes que'l miel d'equí tien lo más d'ello etiquetes y marques de calidá, notándose más l'efectu de la nueva competencia nel miel pa la producción industrial
.


Bruseles prohibió la importación del miel chino nel añu 2002 al atopase en delles partíes d'ello resclavos d'antibióticos. El sindicatu COAG, que diz qu'entovía nun ta comprobao que s'iguare'l tema de la presencia de medicamentu nel productu, pide que los ministerios competentes pongan una mesa de siguimientu que compruebe la calidá del miel chino, asina como de lo turco y lo del Vietnam