El meyor cantar n'asturianu, en Conceyu Abiertu

El resultáu del primer Premiu al meyor cantar n'asturianu dientro de los Premios qu'entrega l'Academia de la Música dexó a munchos músicos y aficionaos malcontentos. Esti premiu yera'l frutu de munchos años de trabayu de los profesionales asturianos de la música, que llevaben años reclamándo-y a la SGAE la creación d'esti reconocimientu a la música na llingua del país.

El resultáu final dio ganadores al cantante Manolo Morán y al compositor Pepín Robles col tema "Nunca Mais" un cantar melódicu que tenía tres d'elli a un intérprete relativamente poco conocíu qu'amás xubió a recoyer el premiu ensin emplegar en negún momentu la llingua asturiana, al revés que tolos demás premiaos n'otres categoríes de llingües minorizaes de la península.

Les otres dos candidatures que competíen pol premiu yeren d'una parte la de Tejedor, ún de los grupos asturianos de mayor proyección fuera del país y que más conciertos dan a lo llargo del añu y per otru llau la de Nacho Vegas, el cantautor fundador del grupu Manta Ray y col que la crítica especializao en nueves tendencies se desfai n'allabancies. Por ello entrugamos en Conceyu Abiertu ¿Parezte representativu de la música que se fai n'Asturies el resultáu resultáu del Premiu al Meyor Cantar n'Asturianu de l'Academia de la Música?