El memorial Cliper, un trunfu pa Seis Conceyos

El Memorial "Cliper"de deportes tradicionales qu'organiza'l grupu deportivu "Seis Conceyos" y que llegó esti añu a la IX edición demostró'l potencial de los deportes del país pa llevar públicu, con más de media entrada nel pabellón de deportes de Pumarín - Xixón pa contemplar les demostraciones de los meyores deportistes d'Asturies, Llión y Euskadi. Nuna preba que nun tenía calter competitivu, foron precísamente los deportistes vascos foron los que más llamaron l'atención pola espectacularidá de delles especialidaes de fuercia que'l públicu asturianu nun conocía, rescamplando ente elles la eshibición de llevantamientu de yunque (como pue vese na semeya ) y la de llevantamientu de fardos de paya. La organización del acontecimientu fizo un gran trabayu, concasando los horarios de cada actividá pa que l'interés nun decayere en nengún momentu.