El martes nun se rexistraron casos nuevos de COVID-19

Nun hai cambios nos datos de la serie.

Depués de los cinco positivos rexistraos el llunes, dos venceyaos col casu de Ḷḷuarca y ún en Xarrio que llevaron a declarar un biltu nel occidente d'Asturies, y otros dos en Xixón, la Conseyería de Salú nun comunicó contaxos nuevos de COVID-19 nes 24 hores últimes. Los afeutaos tán toos aisllaos y los sos contautos estrechos, vixilaos.

No que respeuta a los datos de la enfermerdá causada pol coronavirus SARS-CoV-2, nun hebo cambios con respeuto a les cifres correspondientes al llunes. Siguen ingresaes 3 persones na UCI y 1, en planta.