El II Sky Race de Cuitunigru va celebrase esta fin de selmana

|

Alredor de 200 deportistes procedentes de tol Estáu van participar nel II Sky Race de Cuitunigru que va tener llugar el domingu. Como complementu, el sábadu van entamase clases de baldre pa novatos na práutica del esquí de travesía.

La prueba, Campeonatu d'Asturies d'Esquí de Montaña, va principiar a les 9 hores del domingu con dos percorríos distintos, ún competitivu de 17 quilómetros de distancia y 1.600 metros de desnivel positivu, y otru non competitivu de 11 quilómetros y 1.000 metros de desnivel; pa la primera la organización esixe crampones y niveles físicos y téunicos altos. Les condiciones meteorolóxiques pa esta xornada prevéense favorables y la llegada de los primeros clasificaos ta prevista pa les 11.15 hores.

Les persones que quieran averase a esta práutica deportiva tienen el sábadu una oportunidá perbona, yá que va impartise, a partir de les 15.30 hores, un cursu de baldre d’aniciación al esquí de travesía. El cursu va constar d’una hora teórica y otra práutica na nieve y los intereresaos en participar han de tar a les 15.15 hores nel albergue Toribión.

 

Contador Estadistiques