L'amazcaritáu sal de la capital pongueta hacia Cainava n'Añu Nuevu acompañáu polos solteros del pueblu a caballu o pollín.
Vistíu col so traxe carauterísticu nos que destaquen el mariellu y l'azul, el Guirria va pasar peles cases a pidir l'aguinaldu y besar a toles muyeres que vaya atopando pel camín. Blincos, baille, trastaes y l'esparcimientu de ceniza pal que lu refugue van facer disfutar tanto a los vecinos, que lu reciben con comida y bébora, como a los sos acompañantes y a los munchos visitantes que s'averen tolos años hasta Ponga pa disfrutar d'esta mazcarada d'iviernu que va salir al meudía de mañana, 1 de xineru.
Enantes, esta nueche, va tener llugar el tradicional sortéu qu'empareya a los solteres y solteros del pueblu, que'l sábadu, día 5, van disfrutar de la cena de mozos coles perres recoyíes n'Añu Nuevu. Mañana, depués del Guirria, tamién va haber fiesta con una cena pa los críos, a les 21.30 hores, fuegos artificiales y una verbena col Dúo Pamela y Agustín, y DJ Kike Carrera.
Adxuntu | Tamañu |
---|---|
![]() | 111.93 KB |