El grupu ayerán Tarañu estrena discu con un conciertu en Bélxica

Esti grupu de folk asturiano va participar n'Euroferia, un de los Festivales más importantes de Bélxica, onde van aprovechar pa presentar el so discu.

Siguiendo'l camín abiertu por bandes como "Felpeyu" o "Llan de Cubel", "Tarañu" son una banda que vien del conceyu d'Ayer con un apueste claru poles llinies clásiques de del folk acústico. Esta forma de facer folk suel ser bien recibida pol públicu asturianu, que va poder sentilos d'equí a poco nel que va ser el so primer trabayu discográficu, editáu pol sellu avilesín "L'Aguañaz". Curiosamente los ayeranos van presentar esti discu bien llonxe d'Asturies, exactamente na Euroferia de Koekelberg, Bélxica. Esta Euroferia ye ún de los festivales más importantes de Bélxica, como demuestra que l'añu pasáu más de doscientes cincuenta mil persones visitaren les sos diferentes carpes y puestos. Amás d'ello, Euroferia tien una importante trescendencia mediático, incluyida la de la propia televisión pública belga que fai un siguimientu de tolos actos d'esti festival, amosadoriu de les cultures que conformen la Europa de güei.