El grupu asturianu "Mus" algama reconocimientu nos E.E. U.U.

El grupu asturianu "Mus" formáu por Fran Gayo y Mónica Vacas tan teniendo una bona coyida nos circuitos de música independiente del país de les barres y estrelles.

"Mus" ya tenía publicaos en E.E.U.U. un EP, "Aida" con Pehr Records y un compilatoriu de los sos primeros singles, "Zuna" y "Pigaz" (Darla Records), ye col so últimu discu "El Naval" col que tan entrando fuerte nel mercáu independiente norteamericanu.

Esti discu, cantáu dafechu n'asturianu, lleva 7 selmanes siguíes como Nº 1de ventes na paxina web de Darla, que ye la distribuidora del discu nel país. Amás tan apaeciendo referencies al grupu asturianu en fanzines on-line y revistes sobre música independiente. El tema "El Naval" vienen pinchándolo nel programa de radio "Morning Becomes Eclectic" d'una importante emisora de Los Ángeles.

Amás el videu de la canción "Al Debalu", fechu por Ramón Lluis Bande, consiguió'l tercer puestu na categoría de "meyor clip nacional" nel concursu entamáu na muestra "VideoClips Made in Spain". La propuesta d'esti discu en conxuntu ta recibiendo per bona acoyida en bien de sitios, y equí dámoste la oportunidá de que merques el discu y descubras a "Mus".

Contador Estadistiques