El Gobiernu va tener cuatro vicepresidencies

Confírmase a Teresa Ribera, que se va encargar de Transición Ecolóxica y el Retu Demográficu, xunto a Carmen Calvo, Nadia Calviño y Pablo Iglesias, de Xuníes Podemos.

Esta mañana anuncióse que'l Gobiernu del Estáu lideráu por Pedro Sánchez va sumar una vicepresidencia más a les trés esistentes. Asina, a la primera, ministra de Presidencia y Rellaciones coles Cortes y Memoria Democrática, Calvo, y les dos conocíes de Calviño (Asuntos Económicos y Tresformación Dixital) y Iglesias (Derechos Sociales y Axenda 2030), sumáse la de la madrilana.

Anque la conformación total del Executivu va dase a conocer la selmana qu'entra, yá se comunicó tamién los representantes de Xuníes Podemos que tendrán cartera. Irene Montero va encargase d'Igualdá, Alberto Garzón de Consumu, Yolanda Díaz de Trabayu y Manuel Castells d'Universidaes.