El Gobiernu va remocicar la “Llei d’Asturianía”

El Gobiernu asturianu tien previsto remocicar l'articuláu de la Llei d'Asturianía nel añu 2006 p'adaptase a "les necesidaes y demandes nueves" según esplicó'l Conseyeru de de Rellaciones Esteriores, Francisco Javier García Valledor, unes necesidaes y demandes que pasen per atender les distintes realidaes xeográfiques y sociales de los emigrantes asturianos, dende los más mozos a los más vieyos, calteniendo l'espíritu de que los emigrantes han representar "un capital social, cultural y humanu irrenunciable pa construir l'Asturies que queremos".

L'anteproyectu de la reforma va presentase nel III congresu d'Asturianía que va celebrase l'añu qu'entra, y esta ye otra novedá. Ello decidióse ayeri nel plenu del Conseyu de Comunidaes Asturianes que se celebró ayeri y nel que s'acutó un presupuestu de 123.000 euros pa la celebración d'esti acontecimientu.