El Gobiernu restrinxe’l pasu de persones peles fronteres del Estáu

|
Fernando Grande-Marlaska pieslle de fronteres

El ministru d’Interior, Fernando Grande-Marlaska, anunció esti llunes que pela medianueche van pesllase les fronteres terrestres del Estáu, permitiendo’l accesu namái a los ciudadanos con residencia. Esta decisión, apuntó, ye en consensu cola XE.

La Comisión Europea propunxo güei facer lo propio mientres 30 díes por cuenta de la pandemia de COVID-19, una decisión que los estaos miembros deberán aprobar mañana. Mientres, España yá dio’l pasu de facelo nes llendes propies esta medianueche.

Asina sólo podrán entrar nel Estáu los ciudadanos españoles o con residencia, amás de les persones que tresporten mercancíes pa garantizar el suministru, amás d’aquelles persones qu’aleguen casos de fuercia mayor. Nel conxuntu d’España hai más de 9.300 casos positivos de coronavirus, mentes qu’Asturies rexistra 189.

Contador Estadistiques