El Gobiernu estatal xube'l salariu mínimu a 1.000 euros esti 2022 ensin el preste de la patronal

Supón un aumentu de 35 euros con respeuto a la cantidá afitada nel mes de setiembre.

Yolanda Díaz, ministra de Trabayu y Economía Social, pautó colos sindicatos CC OO y UXT una xuba del salariu mínimu interprofesional de 965 a 1.000 euros, 4 euros más de los plantegaos nun primer momentu. La patronal, que participó nos alderiques, refuga esta decisión del Gobiernu estatal.

La xuba del sueldu mínimu nuevu va efeutuase de manera retroactiva dende'l 1 de xineru. "Llegamos a un acuerdu con sindicatos pa siguir con un compromisu firme del Gobiernu: finar cola desigualdá y ameyorar la vida de cerca de 2 millones de trabayadores", apuntó Díaz, qu'asitia a les muyeres y los mozos como los más beneficiaos.

Na semeya, Díaz xunto con Unai Sordo y Pepe Álvarez, secretarios xenerales de CC OO y UXT, de manera respeutiva.