El Gobiernu estatal va rebaxar l'IVA de la lluz del 10 al 5 por cientu

El presidente Pedro Sánchez anunció na sesión de control del Congresu esta midida pa protexer a los consumidores y les empreses.

El sábadu va convocase un Conseyu de Ministros estraordinariu p'aprobar un decretu nuevu p'afrontar la crisis poles consecuencies de la guerra d'Ucraína. Ente les midíes va tar la rebaxa del IVA de la lluz hasta'l mínimu permitíu pola Xunión Europea, un 5 por cientu.

Dende va un añu ye del 10 por cientu depués de rebaxalo dende'l 21 por cientu. D'esta forma, el PSOE pretende compensar la xuba de la lluz qu'afeuta tanto a consumidores como a empreses, tratando asina de frenar l'alta inflaición.

Na semeya, Sánchez.