El Gobiernu estatal conxela’l recibu de la lluz y xube’l del gas un 4,1 por cientu

El recibu del gas va xubir esti vienres una media mensual de 1,44 euros. El Gobiernu estatal decidió xubir nun 4,1 por cientu’l preciu del gas y nun 6,1 por cientu la bombona de butano. Mentes, conxela’l recibu de la lluz.
 
El Ministeriu d'Industria, Turismu y Comerciu dio güei anuncia d’estes decisiones nel Boletín Oficial del Estáu (BOE). Les más importantes son que la Tarifa d'Últimu recursu (TUR) nun va xubir pa 20 millones de clientes que la tienen contratada, al igual que pa los que tengan el bonu social. Por contra, esti mantenimientu del preciu nun van poder disfrutalo los siete millones d’hogares que tan nel mercáu llibre, que dependen de los criteriors de les empreses que tienen contrataes.
 
Mentes, no que respeuta al gas, la TUR 1 –consumu d'agua caliente y cocina– va medar un 3,3 por cientu, lo qu'equival a 0,57 euros, mientres que la TUR 2, qu'inclúi tamién la calefacción, va aumentar un 4,3 por cientu o 2,31 euros en valores absolutos. Otra manera, la xuba de la bombona de butanu nun 6,1 por cientu va provocar que’l so preciu medre 81 céntimos hasta llegar a los 14 euros.