El gobiernu español va reforzar la vixilancia pa controlar la inmigración illegal

L'executivu español va aumentar los medios de vixilancia aereos y marítimos pa frenar la llegada d'inmigrantes illegales. L'anuncia dábala la vicepresidenta Maria Teresa Fernández de la Vega, darréu d'aconceyar d'urxencia colos ministros d'Interior y Trabayu, los secretarios d'Estáu d'estos departamentos y altos cargos d'Esteriores.

Ente les decisiones tomaes rescamplen la firma d'alcuerdos con Senegal, Mali, Nixeria y Ghana pa la repatriación, l'aumentu de los controles de les fronteres con aviones de reconocimientu, especialmente en Senegal, y un nuevu dispositivu naval cola participación de la Guardia Civil que va tar operativu esta mesma selmana. Amás va contratase un serviciu por satélite col oxetivu d'aumentar la vixilancia nes costes africanes. Asimesmo'l gobiernu del Estáu tien previsto llanzar una "ofensiva diplomática", col desplazamientu de diez representantes españoles al África subsahariana y l'apertura d'una embaxada en Mali p'algamar contactos directos y permanentes colos países de los que proceden la mayoría de los inmigrantes indocumentaos que lleguen a les costes españoles.La celebración d'esta reunión d'urxencia vieno motivada pola llegada esti pasáu fin de selmana d'alredor d'un millar d'inmigrantes africanos a les costes canaries.