El Gobiernu asturianu y La Caixa acuten 14,2 millones pa la conservación de los parques naturales

El Gobiernu asturianu y la entidá financiera catalana "La Caixa" van acutar 14,2 millones d'euros a invertir d'equí en trés años na la conservación de los parques naturales d'Asturies promoviendo la integración de persones en riesgu d'esclusión social. L'alcuerdu económicu supón el desarrollu d'un conveniu que firmaren dambes partes nel mes de mayu. El Principáu apurre 10,6 millones d'euros, mientres que La Caixa faise cargu d' otros 3,6 millones.

El destín de los fondos va tar na conservación del osu pardu y la restauración vexetal de los pasiyos naturales pelos que circula esta especie en territoriu asturianu va ser una de les actuaciones preferentes dientro d'esti conveniu centráu nel catenimientu de los parques naturales asturianos, desarrollando nellos un total de siete programes y acciones, dellos entamaos yá nel pasáu mes de etiembre, que van repercutir positivamente positivamente na conservación, l'usu públicu, la revitalización socioeconómica y la xestión sostenible de los espacios naturales d'Asturies.