El Gobiernu asturianu va aprobar la selmana qu’entra la propuesta de reforma del estatutu

La portavoz del Gobiernu asturianu Ana Rosa Migoya dio anuncia ayeri miércoles de que l'executivu autonómicu tien intención d'aprobar na so xunta de la selmana qu'entra y que va celebrase'l martes día 24 de xineru'l documentu que va servir de base pa la reforma del Estatutu d'Autonomía d'Asturies. Darréu d'ello'l testu de la propuesta va dir al Conseyu Consultivu d'Asturies.

Ello conocióse tres d'una xunta del Conseyu de Gobiernu d'Asturies na que cuasimente nun se dieron resoluciones y que la mesma portavoz del executivu calificó como "de trabayu internu".

El documentu que va dase de pasu la selmana qu'entra incluye preguntes y posibilidaes sobre les competencies y cambeos na organización y gobiernu de la Comunidá autónoma que podríen entrar na reforma, dende la posibilidá d'aumentar el númberu d'escaños de la Xunta Xeneral que podría pasar de 45 a 60 a l'asunción de competencies en puertos y trenes d vía estrencha. Los marcos pal replantegamientu del marcu del asturianu nel estatutu ye una de les cuestiones que posíblemente van dir nel documentu base, anque les diferiencies ente los socios de gobiernu sobre esti particular son fondes.