El Gobiernu asturianu nun va dar esplicaciones pol llibru anónimu de propaganda

El conseyeru d'Economía y Alministración pública y Presidente asturianu en funciones, Jaime Rabanal, declaró que nun va haber nin comisión d'investigación nin comparecencia na Xunta Xeneral p'aclariar l'orixe del llibru "Construyendo Asturies" que fai una llectura allabanciosa de les actuaciones del Gobiernu asturianu. Rabanal aseguró que la obra, que ta llegando de baldre a buzones y puertes de toa Asturies, ye "una iniciativa privada que nun tien que ver col equipu de gobiernu" apuntando a la empresa madrileña Avenida Gráfica como única responsable de la mesma.