El Gobiernu asturianu da-y la medaya d'oru d'Asturies al socialista Fernando Morán

El Gobiernu asturianu comunicó ayeri'l repartu de les medayes institucionales d'Asturies que tolos años s'entreguen na viéspora del Día d'Asturies, 8 de setiembre.
Fernando Morán, que fuere ministru d'esteriores nel primer gobiernu socialista de Felipe Gonzalez, va ser quien reciba la Medaya d'Oru, un distingu especial que nun se concede tolos años y que namás se-yos dio hasta agora al Príncipe Felipe, el Premiu Nobel Severo Ochoa, al investigador Francisco Grande Covián, al ex - xefe de la Casa del Rei Sabino Fernández Campo, los poetes Carlos Bousoño y Ángel González y el Director de la Fundación Príncipe Felipe, Graciano García.


Xunta esta medaya van entregase otres seyes de plata, que van ser pa la caderalga de Filosofía y miembru del Conseyu d'Estáu Amelia Valcárcel, pal empresariu y presidente del Conseyu Mexicanu de Comerciu Esterior Valentín Díez Morodo, pal director del Institutu Universitariu Oncolóxicu d'Asturies Carlos Suárez Nieto, y pa la la presidenta del Conseyu Regulador de la IXPde Xatu Asturianu María de la Luz Rodríguez Cabral. A nivel institucional, hai medaya de plata tamién pa la empresa de bienes d'equipu y inxeniería Duro Felguera y pal Atenéu Obreru de Xixón, que celebra los sos 125 años