Selmana de les Lletres Asturianes

El Gobiernu actualiza los estatutos de l’ALLA

|
Llar de l'Academia de la Llingua Asturiana (ALLA)

El Conseyu de Gobiernu d’esti vienres aprobó una modificación de los estatutos de l’Academia de la Llingua Asturiana (ALLA), que daten del añu 1995. La razón d’esti cambiu ta na necesidá d'una “una regulación adaptada a la normativa actual en dellos ámbitos, como la tresparencia, la financiación o el llinguaxe incluyente”.

Según espliquen dende l’Executivu, “la norma define con mayor claridá los fines d’esta corporación de derechu públicu y tamién determina cuál ye’l so llar social”. D’igual forma, especifica meyor “el procedimientu pal nomamientu de los sos miembros de númberu, d’honor y correspondientes, al tiempu qu’afita les funciones de los sos órganos”, esto ye, la presidencia, la vicepresidencia la secretaría y l’ayalguería.

Los estatutos actuales de l’ALLA son del 1995. La insitución académica, creada por decretu del Conseyu Rexonal d’Asturies, la institución preautonómica, 33/1980, del 15’avientu, tien ente les sos funciones la normativización del idioma, fomentar la investigación y el so enseñu, y velar polos derechos llingüísticos de les asturianes y asturianos, ente otres cuestiones.

Na semeya, llar de l'ALLA.

Contador Estadistiques