El Garrapiellu premió a Iris Díaz Trancho

El yá clásicu concursu de cuentos de la Tertulia Cultural "El Garrapiellu" llegó a la so XIV edición na que'l primer premiu, dotáu con 900 euros foi pa la escritora Iris Díaz Trancho (Xixón, 1981) pola obra "Sedna" mientres que'l segundu premiu foi pa Pablo Texón Castañón pol cuentu "énte l'agua". El xuráu apautó tamién da-y un accesit al cuentu Les tardes del tesoru, del escritor Héctor Pérez Iglesias.

Quique Faes, ganador de l'anterior edición del concursu, l'Académica de la llingua Marta Mori, las periodista de les Noticies Beatriz Redondo Viado, la mayestra d'asturianu Paz Fonticiella y l'escritor Adolfo Camilo Diaz formaron el xuráu d'esta edición del concursu, valorando mui positivamente la calidá media de los trabayos presentaos. La Tertulia Cultural El Garrapiellu asume'l compromisu d'espublizar los trabayos ganadores nel III volume de Cuentos Curtios.